பள்ளி, கல்லூரிகளில் போதைப்பொருள் நடமாட்டம் உள்ளதா?

சென்னை: தமிழகத்தில் உள்ள பள்ளி மற்றும் கல்லூரி வளாகங்களில் போதைப்பொருட்களின் புழக்கம் ஏதேனும் இருக்கிறதா என்பதைக் கண்டறிந்து, கண்காணிப்பைத் தீவிரப்படுத்த டாஸ்மாக் (TASMAC) நிர்வாகம் தங்களது துறை சார்ந்த அதிகாரிகளுக்குப் புதிய அதிரடி உத்தரவை பிறப்பித்துள்ளது.

புதிய அரசின் அதிரடி அதிரடித் திட்டங்கள்: தமிழகத்தில் புதிய ஆட்சி அமைந்ததைத் தொடர்ந்து, மாணவர்களின் நலன் மற்றும் பொதுமக்களின் கோரிக்கைகளைக் கருத்தில் கொண்டு பல்வேறு அதிரடி நடவடிக்கைகள் எடுக்கப்பட்டு வருகின்றன. இதன் முக்கியப் பகுதியாக, பள்ளிகள், கல்லூரிகள் மற்றும் வழிபாட்டுத் தலங்களுக்கு மிக அருகில் நீண்ட நாட்களாக இயங்கி வந்த டாஸ்மாக் மதுக்கடைகள் அனைத்தும் அண்மையில் முற்றிலுமாக மூடப்பட்டன.

டாஸ்மாக் அதிகாரிகளுக்கு வந்த புதிய உத்தரவு: இந்நிலையில், டாஸ்மாக் நிர்வாகம் மாநிலம் முழுவதும் உள்ள தனது மண்டல அதிகாரிகளுக்கு முக்கிய சுற்றறிக்கை ஒன்றை அனுப்பியுள்ளது. அதில் குறிப்பிடப்பட்டுள்ள முக்கிய அம்சங்கள் இதோ:

• கல்வி நிறுவனங்களில் கண்காணிப்பு: தமிழகத்தில் உள்ள அனைத்து அரசு மற்றும் தனியார் பள்ளிகள், கல்லூரிகளின் அருகாமையில் போதைப்பொருள் நடமாட்டம் அல்லது சட்டவிரோத விற்பனை ஏதேனும் உள்ளதா என்பதைத் தொடர்ந்து கண்காணிக்க வேண்டும்.

• சட்டவிரோத மது விற்பனைக்குத் தடை: புதிய அரசால் மூடப்பட்ட டாஸ்மாக் கடைகளின் சுற்றுவட்டாரப் பகுதிகளில், கள்ளத்தனமாகவோ அல்லது கூடுதல் விலைக்கு மறைமுகமாகவோ மது விற்பனை செய்யப்படுகிறதா என்பதை கள ஆய்வு செய்ய வேண்டும்.

• கள்ளச்சாராய ஒழிப்பு: மாநிலத்தின் எந்தப் பகுதியிலும் கள்ளச்சாராயம் காய்ச்சுவது, கடத்துவது மற்றும் இதர போதைப்பொருள் புழக்கங்கள் இருந்தால் அதை உடனடியாகக் கட்டுப்படுத்த கடுமையான நடவடிக்கைகள் எடுக்கப்பட வேண்டும்.

சுகாதாரத்துறையுடன் கூட்டு நடவடிக்கை: மாணவர்களிடையே போதைப்பொருள் பழக்கத்தினால் ஏற்படும் தீமைகள் மற்றும் விழிப்புணர்வை ஏற்படுத்த வேண்டியது அவசியம் என டாஸ்மாக் நிர்வாகம் வலியுறுத்தியுள்ளது. இதற்காக, போதைப்பொருள் மீட்பு மற்றும் ஒழிப்புத் திட்டங்களைச் சிறப்பாகச் செயல்படுத்த, தமிழக சுகாதாரத்துறையுடன் (Health Department) இணைந்து கூட்டு நடவடிக்கைகளை மேற்கொள்ள வேண்டும் என்றும் அதிகாரிகளுக்கு அறிவுறுத்தப்பட்டுள்ளது.